這件事對我來說實在太不可思議，除非真的是十萬火急急急，唔去唔得，otherwise，好人好姐，好端端的不會為了消磨時間而走去爆石（爆石者，大便也）！

說的是我的travel buddies．．．

上文提到我們一眾人頂著頭頂三千萬度高溫的陽光，好不辛苦拾百多級而上到達中山陵，參觀過後一眾人等躲在樹蔭下休息下，努力尋找最「涼爽」的風口位。幸好休憩處有一個水喉位，我幾乎想開一盆水然後照頭淋，橫豎我渾身汗水，由底到面，總之係搾得水出。反而令我最喜出望外是那個小小小賣部，那個狀甚 「豆泥」的冰櫃，居然可以抵受炎夏，把汽水冰棒雪得冰冰的！我未曾飲過這麼好飲的冰綠茶！

當我正在喘息，邊說好Q熱好Q熱之際，好友橙皮說他肚子有點痛，我心想：「那麼大鑊？！喺哩個時候肚痾？？！要知道大陸既公廁係相當得人驚！！！我連小一個小小的便都嫌大，你還要去大便？？！！」不過拉肚子也沒有辦法。

正當橙皮準備出發時，好友肥能居然技癢，說不如一齊去爆石喇！吓？有得分嗎？加上大熱天時，據稱公廁內通風極差，丁點風也沒有，我諗踎多一陣加上用力過度一 定會中暑的！我都仲未計未爆完可能已經畀裡面的臭氣焗死！話哂朋友一場，既然你勢要爆石，大家都會幫你一把，還眾志成城，幫手籌集廁紙，因連肥能這麼「求期」兼「慳家」人稱「底線王」的人， 都說香港報攤所送的紙巾質地太差，加上身上厚厚的汗水，係好容易「穿」事！（Ok，我知係好核突）於是大家一齊拋出身上的紙巾！豪畀佢！

怎知好友W小姐突然插嘴說：「你地都去呀，咁不如唔爭在我，我又去爆石喇！」 What？What's wrong with you？！！！「你好急呀？」我問W。她說：「唔係呀，咁又無咩野做，咪去下囉，去去下就有架喇！」唔係卦？！人家去爆石你又一齊去爆之？！借問這種係咪突異功能呢？無得去去咗廁所去去下就會有得去？？！！

過了一陣子，三人回來，一臉滿足！

我只有一個字，啞！

後記：原來W小姐的哈士餅陪W去廁所後，自己都不甘後人，又爆埋一份！究竟我識咗Ｄ咩朋友？