星期日的郊遊，對於大夫來說簡直是倒楣！我們一眾人等帶狗狗到嘉龍潭戲水，怎知他不小心失足跌落潭水，最奇的是，他有本事在掉下水前幾千份之一秒，因避免成個正面趴落潭水，來個拗腰轉身一百八十度，然後用屁股落水，由得背包及屁股跌進潭邊的一氹淺水，我們幾人看得入神，因驚見其跌得出神，我真係未見過有人跌落水淨係整濕條底褲（當然包括面褲的底褲部位）！！！一個字，勁！
之後駕車回程，不知是否那條可惡的濕底褲令大夫坐立不安，一個不留神，左面後車胎撞到路旁的石壆，我聽到“卟”的一聲，看到車胎噴了一口氣，我跟大夫說：「 你爆呔呀！」他一臉狐疑。「就算係，都應該唔會好快漏哂氣！」他說，一臉自信。「係咩，我覺得架車已經斜埋一邊咯播．．．」我答道，因我聽車胎的氣呼呼聲「噴」出。看見他臉型有點扭曲兼露出疼痛的神色。
將車子駛埋一邊，我下車查看， 嘩！原來成條車胎劏左呀！！肚破氣流，即時宣告死亡！看見大夫蹲下來呆呆的看著右邊車尾，你唔係傷心到咁下麻？係左邊劏左播，我心想。想叫他節哀之際，我問他：「你幹嗎？」他沒氣答我：「我影低架車既型號叫人唻整 呀！」OK，OK，係我多心，新車落地車胎被劏，畀我都會好肉赤囉。
之後我們到士多吃brunch，順便等拖車救駕。還遇到一頭快二十歲的老狗，真係好厲害呀，牠是我見過最老的唐狗！看牠的精神多好。
救車到，大夫跟隨救車去救車，我們幾人就舒舒服服嘆下咖啡，怎知Finn爸發現有一只小tick跳到SoSo身 上，還說她忘記滴frontline，未幾，Finn爸居然在檯上又發現一只tick，原來地上滿是ticks，有的還跳到Finn仔身上。嘩！好得人驚，我們當然急急腳閃啦！
回到家幫狗狗沖洗好，收到Finn媽來電叮囑要徹底搜查狗狗。結果單在Mocha的身上，發現了十數隻 ticks，好！得！人！驚！單是牠的單掌都找到五六隻，看得我起雞皮疙瘩，而QQ的身上都發現五六隻，我們邊搜邊說這個月要提早滴frontline。
而那間滿地ticks士多， 我應該唔會再去囉．．．
雜影幾張
